Este mércores tivemos unha saída escolar ao Auditorio Teatro Afundación de Vigo. Desfrutamos dun espectáculo do grupo musical galego Mamá Cabra coa obra Paxaro amigo, Músicas para a paz.
A través da música descubrimos que un mundo mellor é posible. A protagonista do conto é unha bruxa ruín que cre que a paz lle produce comechón por todo o corpo, polo que crea discordia alá por onde vai. Mais, descobre que iso non é así, que a paz a temos todos dentro de nós, e que xuntos podemos ter paz no mundo. Tamén aprendimos que os bicos, os abrazos e as palabras bonitas son fundamentais nas nosas vidas. Rematamos a actuación facendo entre todos un conxuro:
"que haxa paz en todo o mundo..e que non quede unha guerra..sobre a faz da Terra...."
Xa sabedes...É fenomenal levarse xenial!
Encantounos a obra, o pasamos de maravilla, gustounos tanto que queremos repetir nas súas próximas obras e espectáculos. Déixovos o enlace a páxina web do grupo pinchando AQUI e ao blog pinchando AQUI por se queredes investigar máis sobre as actuacións e cancións deste fantástico grupo.
Ahora, desfrutade deste vídeo da actuación. Que ben o pasamos!
