Bos días! Que tal estades? Hoxe imos traballar un día moi importante para nós, os galegos:
O Día das Letras Galegas.
É este domingo, o 17 de maio, e é unha gran festividade en Galicia. Celebramos que temos unha lingua propia, o galego. Vouvos contar un pouquiño máis:
Hai moito tempo, máis de cen anos, houbo unha muller marabillosa que lle encantaba escribir. Chamábase Rosalía de Castro. Facíao moi ben, escribía en galego e publicou o libro CANTARES GALLEGOS. Foi un libro moi, moi importante e moi atrevido naquela época na que estaba prohibido falar en galego. Ela era unha valente! Grazas a Rosalía celebramos este día tan importante para todos os galegos, orgullosos de ter unha lingua propia que forma parte da nosa vida, da nosa cultura e tan bonita como é o GALEGO.
Para festexar esta festa, cada ano, lembramos un autor ou autora que adicaron a súa vida a escribir historias en galego. Este ano conmemoramos a RICARDO CARBALLO CALERO.
- Para saber quen foi Ricardo Calero, o autor deste ano, pinchade AQUÍ
- Para averiguar sobre este autor tedes este xogo de investigación: pinchade en CALERO
Calero escribiu un libro para os nenos e as nenas: AS PITAS BAIXO A CHOIVA:
Vídeo adicado a ROSALÍA DE CASTRO: "Rosalía pequeniña":
